«Бір ел – бір кітап – 2018» республикалық акциясы бойынша биыл үш кітап таңдап алынды. Шәкәрім Құдайбердіұлының шығармалары,Немат Келімбетовтың «Үміт үзгім келмейді» және Бауыржан Момышұлының «Ұшқан ұя» кітаптары таңдап алынды. Акцияның мақсаты – қазақ әдебиетін көпшілікке танымал ету, қоғамның кітап оқуға және Қазақстанның әдеби мұрасын зерттеуге деген қызығушылығын арттырып, өскелең ұрпақтың рухани дамуына ықпал ету. Әдеби кеш «Бір ел, бір кітап» акциясының тарихымен басталды. Кеш барысында қатысушылар Ш.Құдайбердіұлының шығармаларынан өлеңдерін, «Қалқаман-Мамыр », « Еңлік-Кебек», поэмаларын оқыды. Даналық пен жауапкершілікке, адалдық пен мейірімділікке үндейтін Шәкәрім шығармаларынан әр адам сусындап өсуі керек деген ойларын ортаға салды.Ақынның шығармалары жайында өзара пікір алмасты.Ақынның өмірі мен шығармашылығынан құрастырылған викториналық сұрақтарға белсенді жауап беріп, қатысушыларға Шәкәрім Құдайбердіұлы жайында мәлімет берілген шағын буклеттер таратылды. Қатысушылар саны: 15
