Халықаралық Жастар күні жыл сайын 12 тамызда атап өтіледі, бұл жастардың әлемді дамыту мен құрудағы рөлін және олардың жолында тұрған күнделікті проблемаларды еске түсіру мақсатында. Осы орайда Федоров орталық аудандық кітапханасының қызметкерлері «Атлет» аудандық стадионында Федоров ауылының тұрғындарына «Библиозона» дайындады. Библиозона үш бөлімнен тұрды. «Ұлы халықтың – ұлы Абайы» атты бірінші бөлімінде қатысушыларға ұлы ақын Абай Құнанбаевтың «Қара сөздер» мен шығармаларының толық жинағы және оның өмірі мен қызметі туралы ақпараттық материалдар ұсынылды. «Федоров ауданына 95 жыл» атты екінші бөлімінде ауданның құрылуы мен дамуы туралы материалдар, сондай-ақ П. М. Черныштың «Федоров ауданы кеше және бүгін», Т. Величконың «Тарихқа айналған тағдырлар» және ауданның қалыптасу оқиғаларының панорамасын ашатын басқа да кітаптар ұсынылды. «Жастар толқынында» атты үшінші бөлімде Анджей Сапковский, Наполеон Хилл, Дейл Карнеги және басқа да авторлардың кітаптары ұсынылды. Олардың шығармалары жастарға өмірлік мәселелерімен жұмыс істеуге және өз мақсаттарына жетуге ұмтылуға көмектеседі. Жас оқырмандар үшін балалар жазушыларының шығармалары бойынша викторина өткізілді.
