Федоров ауылының 125 жылдығы ауыл тұрғындары үшін үлкен оқиға болды. «Тәуелсіздік» орталық алаңында киіз үй ішінде аудандық және балалар кітапханаларының кітапаханашылары ересек пен балаларға араналаған ақпараттық- танымдық іс-шаралар өткізді. Киіз үйдің ортасына ауыл тарихын бейнелейтін фотосуреттері бар роллап-баннерлер орналастырылды. Келушілер сол тарихи фотосуреттер арқылы ауыл көшелері,ғимараттары, ауыл алаңы бұрын қандай болғанын және содан бері қалай өзгергенін көре алды. Сондай-ақ , ауылдың тарихына, дамуына, мәдениеті мен тұрмыс-тіршілігіне, оның тұрғындарына, өткен және бүгінгі оқиғаларға және жергілікті авторлардың шығармаларына арналған кітаптар мен өлкетану материалдары ұсынылған «Федоров ауылы : кеше,бүгін, ертең» атты кеңейтілген кітап көрмесі ұйымдастырылды. Балалар кітапаханасының кітапханашылары жасөспірімдерге арнап шағын оқу залын ұйымдастырып, кітаптармен танысытырды,танымдық ойындар мен викториналар өткізді. Қатысушыларға кәдесыйлар мен естелік сыйлықтар берілді.
