«Волоколамское шоссе» романы — майдангер-жазушы Александр Бектің ең танымал әрі мәні зор шығармасы. Кітаптың басты кейіпкері — Бауыржан Момышұлы, алайда оның өз жауынгерлік тағдыры туралы баяндауы арқылы әскери ұстазы Иван Васильевич Панфиловтың және бүкіл әлемге нағыз ерліктің үлгісін көрсеткен панфиловшы жауынгерлердің жарқын бейнелері айқын көрінеді. Автор шығармада өзі тікелей қатысқан оқиғаларды шынайы суреттеп қана қоймай, олардың қоғамдық-саяси мәнін терең пайымдай білген.
