14 наурызда қазіргі Кравцова ауылы деп аталатын, Федоров ауданы Старожиловка ауылында дүниеге келген Кеңес Одағының Батыры Кравцов Григорий Михайлович (1922-1945) туғанына 100 жыл толды.Бұл күні Федоров аудандық орталық кітапханасының кітапханашылары қоғам өкілдері:Резник Артем Сергеевич – «Аманат»партиясы аудандық филиалының төрағасы, Шашкова Зоя Андреевна – Мемлекеттік мекеме қызметкерлері кәсіподақтарының Федоров аудандық комитетінің төрайымы, Волоткевич Татьяна Марковна – Ардагерлер кеңесінің төрайымы және басқаларымен бірлесіп батырдың ескерткішіне гүл шоқтарын қойды. Ескерткіш орталық алаңда, Г.М.Кравцовтың есімімен аталатын көшеде орналасқан.
