Алғыс айту күніне орай Федоров ауданының орталық кітапханасында аудан әкімінің қатысуымен «Ризашылық – мейірімділік бұлағы» тақырыбында дөңгелек үстел өтті. Іс – шараға аудан әкімінің әлеуметтік мәселелер жөніндегі орынбасары, аудандық мәслихаттың хатшысы, аудандық мәслихаттың депутаттары, мемлекеттік мекемелердің қызметкерлері, этномәдени бірлестіктер мен Ардагерлер кеңесінің өкілдері, ҮЕҰ мүшелері, БАҚ өкілдері, ауыл жастары қатысты. Алғыс айту күнімен барлық қатысушыларды аудан әкімі Т. К. Исабаев, ҰМО төрағасы Ю. П. Краснорылов, ауыл ақсақалдары А. С. Налгиев, М. Б. Қойшығұлов құттықтады. ҰМО-тың жұмысына қосқан көп жылғы үлесі үшін Ю. П. Краснорылов «Алғыс хатпен» марапатталды. «Жастар» МҮ-нің өнерпаздары өнер көрсетті.
